الفرق بين hard rock and the metal

ساعات بيقابلنا افراد مش عارفين الفرق بين الميتال و الهارد روك لذلك انا بكتب الموضوع دة بناءا على خبرتى الشخصية المتواضعة من ناحيه عدة نقاط

اولا:- هارد روك hardrock
الفوكالthe vocal

الفوكال فى الهارد روك بيبقى صوته رقيق و قوى تفهم كلماته نادرا ما تلاقى فوكال هارد روك صوته خشن او جهورى



الجيتاراتguitars


الجيتارات هنا هيا الى بتميز الهارد روك لان الاعتماد الاساسى فى الهارد روك على الاليكتريك جيتار و هوة الى بيمشى رتم الاغنيه اما بلنسبه للبيز جيتار فدة بعض الفرق بتستعمله و فرق لا و مش اساسى لبعض الباندات


درمزthe drums


الدرمز بالنسبالى فى الهارد روك محطوط منظرة يعنى مش مؤثر فى الاغنية ايقاعه تقريبا فى معظم الباندات واحد بس مش فى كلوا فى باندات هارد روك الدرامز بتاعهم بيبقى جبار و ايقاعه جامد زى باند scorpions


الكلماتthe lyrics


الكلمات فى معظم الباندات بتتكلم عن الحب و العلاقات البشريه


اشهر الباندات

nickelback_scorpions_creed_nirvana_paparoach



ثانيا:-الميتال metal

الميتال دة بلنسبالى بحر لا ساحل له . علامة فارقة فى حياتى
و الاسباب الى خلتها مهمة فى حياتى هيا الى خلتنى افرقها بينها و بين ال موسيقى التانية المهم نتكلم فى الميتال نقول


الفوكالthevocal

الميتال فيه كل انواع الفوكال الى تلاقيه الناعم على الخشن على الجهورى و ممكن تلاقى كل دة فى فوكاليز واحد و مش مرتبط بنوعيه محددة من الميتال بتلاقيهم فى مختلف الانواع


الجيتارات the guitars

هنا بقة الجيتارات عايزة مهارة غير عادية . الجيتاريست عشان يلحن ميتال لازم يكون مهارى جدا و دماغه حلوة فى الموسيقى . و النقطة المهمة الى انا بلاقيها فى كل فرق الميتال انهم لازم يبقى فيهم اليكتريك و بيز جيتار و الاتنين بيشتغلوا مع بعض بيعملوا شغل جامد و هيا دى تقريبا الصفه الاساسية فى الميتال .


الدرامز the drums


الدرامز هنا بقى غير الدرامز الى ممكن تلاقيه فى اى موسيقى تانية . هنا الدرامز شغال خبط طول الاغنية . و ممكن يتحكم فى ايقاع الاغنية و دة بيحصل فى معظم الباندات و ممكن ميتحكمش بالايقاع بس يفضل شغال مع الاغنية طول ما هيا شغالة و دى تانى حاجة بتميز الميتال مش عن الهارد روك بس انما عن كل انواع الموسيقى



الكلمات the lyrics

فى الميتال تلاقى الكلام و الغنا فى كل الحاجات الموجودة على وجه الارض . اى حاجة تيجى فى بالك تلاقى فى اغانى ليها سواء كان حب او اكتئاب او رغبة فى الموت او اى حاجة تانيه

اشهر الباندات

الكلام هنا المفروض انو يبقى طويل بس لازم اختصر فيه و هيبقا على الاشهر فقط

metallica_arch enemy _ epica _ rammstein _ dimmu borgir _ dark tranquillty _ linkin park _ nile _ hagggard



لحد هنا كلامى يخلص و فاضل تاكيد من الناس القدماء على صحة الكلام الى انا قولته